كانت فيه اسرة مكونه من الاب والام وولد ووبنت وكان عندهم خادمه عارفين عمرها اد ايه؟
10 سنين بنت عندها 10 سنين كانت بتخدمهم وكانت بتعمل كل حاجه فى البيت بتكنس وتغسل وتطبخ وتودى الولاد المدرسه وكانت بتاكل بقايا اكلهم يعنى كانت بتخدمهم بتفانى مع انها لسه فى عمر الزهور ولكن مع كل اللى كانت البنت بتعمله
الاب كان بيضربها ويعذبها لدرجه انه بيصعقها بالكهرباء والبنت مستحمله مستحمله الاهانه والتعذيب اللى مايستحملهوش بشر علشان 10 جنيه فى الشهر بس!!!!
المهم البنت من كتر التعذيب والضرب فقدت بصرها0 تقوم الاسرة تعمل ايه يطردوا البنت فى الشارع وهى كفيفه من غير مايودوها لاهلها ولا يسألوا عنها
وتمر السنين والابن يكبر ويدخل الجامعه ويتخرج ويتجوز فتاه جميله وربنا يرزقهم بولد لكن شوفوا عدل ربنا وانتقامه؟
.الولد اتولد كفيف مابيشوفش ومافيش اى علاج نافع معاه وعاشت الاسرة كلها فى حزن وزعل
وجت زوجه الابن حملت تانى وولدت بنت رائعه الجمال وكلهم خافوا لاتطلع كفيفه زى اخوها لكن البنت اتولدت كويسه وبتشوف وبعد 7 شهور بصوا لقوا البنت بتبص لجانب واحد فى الاوضه فاخدوها للدكتور وكانت الطامه ان البنت اتعمت هى كمان
قعدوا يسألوا ويقولوا ليه ليه الولاد اتولدوا فاقدين للبصر مع ان كل اهلهم سالمين ومافيش قرابه بين الام والاب
قام الجد افتكر البنت الخادمه اللى كان بيعذبها ويضربها ويصعقها بالكهرباء لحد مافقدت بصرها واصيب الجد بحاله نفسيه دخل بعدها مستشفى الامراض النفسيه وعاشت الاسرة كلها فى حزن واسى شديد
ليه
لان الجد ظلم قبل كده بنت صغيرة مسكينه لحد مافقدت بصرها فربنا جابله احفاده اللى هما اغلى حاجه عنده فاقدين للبصر
وده بسبب الظلم
فأيياكم والظلم اوعوا تظلموا كبير او صغير او ضعيف او قوى او غنى او فقير لان المظلوم له رب ينصره
ودعوه المظلوم ليس بينها وبين الله حجاب
القصه دى سمعتها من الشيخ حسان وارسلتها الجده لجريده الجمهوريه
موضوع: قصه هنخاف من اللى فيها ومش هانعمله 
الثلاثاء سبتمبر 15, 2009 3:02 pm
