أنا عصيــــت ربنا إمبارح... بس مبسوووط جداااا ...إنى عصيته

السلام عليكم ورحمة الله وبركاته

أنا انهاردة ياجماعة مبسوط جداااااااا

لأنى بصراحة إنهاردة عصيت ربنا

ومهمنيش

جاهرته بالمعصية ومفرقتش معايا

طب وإيه يعنى
المهم اتبسطت وقضيت وقت جميل وخلاص

ايه دا ... إيه دا ....؟؟

مالكم كدا بتحتقرونى بينكم وبين نفسكم؟!!

انتو كمان زييى

أه زيى

أو كنتم زيى

وماتستغربوش أو ى كدا وتقولوا

لالالالالالالالا
دااحنا بنحب ربنا واستحالة نحاربه

لاء انتوا حاربتوه وبتحاربوه

طيب عيشوا معايا شوية فى المواقف دى كدا ونشوف سوا
هل إحنا بنحارب ربنا ولا لاء

أنا مبسوط جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض
*********

أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى
**********

أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى

***********

أنا مبسوط جداااا

كنت فى شات روم واتعرفت على بنت ارتحت اوى فى الكلام معاها

وكلمتها مايك بس صوتها جميل أوى
وقعدنا نتكلم للصبح
*****

أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى

**********

أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى

وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......
**********

مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا
********

فرحاااااااان لأننا كنا ف رحلة امبارح
وحصل بأه شوية حاجات

اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب

************

انا منمتش امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل

وبالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة

*********

أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا

***********

أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البضى جنااان
مشفتش حد لابس منهم

من الآااااااااااااااااااااااخر

مبسووووووووووط /ة جداااااا لأنى ............................

عصيــــــت ربنا!!!

هاااا

فكرتوا انكم ممكن تكونوا بتعملوا زيى
أو على الأقل كنتم بتعملوا كدا
يعنى مش لوحدى دا حالنا كلنا

مش هو دا لسان حالنا ياجماعة لما بنعمل المعصية؟
مش دا
حالنا فى المجاهرة بالمعصية ؟

يعنى الحمد لله ربنا سترنا ومفضحناش
الحمد لله ربنا أحيانا ومقبضش روحنا واحنا بنعمل المعصية

مش نسكت بأه ونستر نفسنا
لاء

دااحنا بنخرج وبنجاهر بالمعصية وبنتمنظر بيها كمان !!

وبنقول لربنا
أنا عصيتك
وفرحان انى عصيتك
وهأحكى لكل الناس إنى عصيتك
ومش هيفرق معايا.......

(والله قلبى بينخلع وأنا بأكتب الجزء دا دا
وبجد مش قادرة أكمله
ربنا يغفر لى )

قدرنا ياجماعة نقول كدا ؟؟
قدرنا نغضب ربنا بالطريقة دى؟؟

يااااااااا الله على جهلنا وعلى سوء معاملتنا مع ربنا
وهو ستير لعيوبنا ولذنوبنا وإحنا والله لو ربنا حاسبنا كما يجب
كنا هلكنا دلوقتى من جراير أعمالنا

ياااااااه لما الواحد يفتكر أد ايه كان غافل وبعيد عن ربنا
ولما يفتكر ذنوبه وازاى ربنا كتب له الحياة علشان يكفر عنها

وتحسبونه هين وهو عند الله عظيم

يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية
وعلى فكرة أنا مش مكبر الموضوع ولا حاجة
*******

دى تذكرة بسيطة ليا وليكم وأتمنى أكون قدرت أوصلكم قصدى

علشان لو فيه حد فينا لسة بيجاهر بالمعصية يتنبه وياخد باله
ولو كان حد فينا عمل كدا زمان
وربنا هداه دلوقتى لكن ماتابش
يتوب
لأن الذنب لو ماتبناش منه ربنا هيحاسبنا عليه حتى لو كنا بطلنا نعمله

((((((((((وطبعا دى كلها مواقف من وحى الخيال لكنها وااااقعية جدااااااا))))))))

((((بس حبيت أتكلم بصيغة المتكلم لأنها بتوصل أسرع وأفضل فى التعبير..))))

رب إجعل هذا العمل صالحا

ولوجهك الكريم خالصا

ولا تجعل لى منه حظا
ولا للشيطان منه نصيبا
وتقبله منى ياربنا قبولا حسنا

اللهم آامين

عندما قرات هذه الرسالة اثرت فى نفسى فاحببت ان (انقلها) اليكم

و جزاكم الله خيراً

اعوذ بالله هى فى ناس كده دا كله الا الجهر بالمعصيه

جزاك الله حيرا يا منوسا على التذكره

استغفر الله العظيم هو فى شخصيات زى كده

مشكورة يا منوسا على التوبيك وربنا يبعدنا عن المعاصى

فعلا رساله مؤثرة ومعظمنا بنعمل معاصى ونخطأ بس الاهم والافضل ان احنا نستغفر مش نجاهر بالذنب وننشره
قال رسول الله صلى الله عليه وسلم
وكل امتى معافى الا المجاهرون
صدق الرسول الكريم صلى الله عليه وسلم
تسلمى يامنوسه

جزاك الله خيرا يا منوسا على التوبيك وياريت الناس تعمل بيه
اصل كله الا الجهر بالمعصيه

استغفر الله العظيم
جزاكى الله خييييييييييييير يامنوسه

ياااااااااه شوفوا الشيطان وصل الانسان الى فين
ان ربنا يستر امره وهو يروح يقول للناس
انا امبارح عملت كذا وكذا
والمجاهرون بالمعصية تبلد حسهم ، ومات شعورهم ، وعميت بصائرهم لأن الحياء نزع منهم والحياء إذا نزع من شخص لا يتورع عن معصية من المعاصي لأنه لا يري فيها بأسا ولا حرصا ، وصدق النبي صلي الله عليه وسلم إذ يقول :
"إنه مما أدرك الناس من كلام النبوة الأولي إذا لم تستح فاصنع ما شئت".
.....
جزاك الله خيرا يا امنيه
وينقل للقسم الاسلامى ويتم التثبيت
..............................

امين يا امنيه
بجد من احلي المواضيع اللي قرأتها
تسلمي يا قمر
وجزاك الله كل خير

يا ساتر ياربى بجد الانسان اللى يعمل كده يبقى فى قمه البشاعه وربنا يرحمنا جميعا

وجزكى الله خيرا يا منوسا

جزاكي الله خير يا منوسا

» سورة ق للشيخ محمد حسا ن - من التراويح مؤثرة جداااا
» 4واجبات بينا وبين ربنا
» قمة الشلل... ربنا يصبرك ياختى ......
» ماذا يفعل الرجل ليلا ؟ههههههههههههههه ربنا معاه