رقصة اخر العمر

ثلاثون عاماً ؛ أمضاها فى عمل متواصل , لم تعرف الراحة طريقها إلى جسده, متنقلا فى وظائف عدة. وصولاً إلى مناصب مرتفعة ؛ إلى أن وجد نفسه فى مواقف غريبة , لم يعتد عليها . يتم عرضه فى فاترينة العمل !!! من يريد أن يتفرج ؟؟ (ببلاش ممكن .. تجزئه .. خردة .. برضه عادى).
تذكر تهليل الجرائد , و المجلات. شرحها مزايا الخصخصة , والنعيم المنتظر , والأسواق العالمية.
( اطلع معاش.. و خدلك قرشين.. إعمل أى مشروع..!! ) هكذا أفتى خبراء بنو جهلان للعمال.
انتبه فوجد بدلة أنيقة تحاوره :
- سيادتك بتقول اشتغلت إيه..؟! وفين..؟! ياه كل ده !! أنت خبرة ممتازة ..بس أنت مش ملاحظ أن شكلك دقة قديمه..!! ومصلحة العمال.. وحقوقهم.. خلاص ياعم ده كان أيام الجاهلية !! لو تقدر تبدل لنا الخلقة دى نفكر بعد كده .. معلش خيرها فى غيرها..!!
تلقفته الحلل الأنيقة:
- طيب إنت مفيش معاك شهادات خبرة..؟!
كتم ضحكته ؛ فعمره لايتجاوز ثمانية وأربعون عاماً , أمضى منها ثلاثين عاماً بالشركة. أمسك مدافع لسانه عن التعليق ورد:
- لا مفيش..!!
-طيب رأيك إيه فى شخصى..؟!
كاد أن ينطق فوكزه صديقه هامساً:
- إخرس..!!
فأجابه :
- لم أعمل مع سيادتك من قبل ..؟!
ـ خسارة إنت متعرفش تتكلم..!! عندك عجز فى النفاق.. أقصد لغة العصر.. كان زمانك بقيت الساعد الأيمن لى ..معلشى خيرها فى غيرها..!!
اتضح أن الجميع يريدون تذوق طعم الفريسة :
- هاتعرف تعمل على الكمبيوتر..؟؟
- نعم تعاملاتى السابقة كانت به..!!
- جميل كمبيوتر ..و خبرة.. كويس..!! بس إنت جسمك رشيق.. بتعرف ترقص؟؟
- أرقص إزاى يعنى ..؟!
فقام ذو البدلة الأنيقة يتمايل بين مديرين يفوقونه رتبة .
- لو كنت أعرف الرقص ما وقفت أمامك..!!
- خسارة ..خيرها فى غيرها..
انطلق الرجل ليلا , يجوب شارع الهرم معلقاً يافطة على صدره..


( يوجد راقص للإيجار )