يوميات سرحان (الطير الجريح)

يوميات سرحان (2)

انا اللي ياعيني بختي في الدنيا قليل,

كل ما اقوم من المية اقع ف الطين

وكل ما اقابل طير جميل

بروح لية واميل من غير ما اعرف اية الحكاية

واتجرحت من الطير بما فية الكفاية

وعيوني من الدمع قالت كفاية

وقلبي بكى دم وما سمعة حد ف النهاية

انا اللي عشت ف الدنيا وحداني

ومن سهر الليل كنت بعاني

وانا اللي حبيت من غير ما اخون

ولا عمر دمع الطير عليا كان يهون

وانا اللي حبي للطيرخلاني عجوز

واقل واحد في الدنيا كان عليا بيدوس

وانا اللي بغني لنفسي في الليل الطويل

واداوي قلبي اللي اتجرح من حب كان فاكرة كبير

اتفرج ياقلبي واتعلم ادي اللي حبة فينا علم

وخلانا نتعلق بيه من غير حتى مايتكلم

وقلتلك ياقلبي من الاول دا طير اناني

قلتلي جرب انت عمرك ما سمعت مرة كلامي

واديني طاوعتك وحبيتة

ودلوقت بندم اني في يوم التقيتة

اتكلم وقول يازمان مين فينا اللي باع وخان

ودور ياقلبي على طبيب يداويك

يالي حبيت طير طول عمرة كان بيجرح فيك

وانت كنت بتخاف علية من غير ماتعرف حتى لية

اه ياقلبي على زمان كل الطير اللي فية مالو امان

واهين ياقلبي عليك لما اتكسرت ومالقيت ولاحد حوليك

وخلاص ياقلبي هنعيش لوحدينا

دا احنا اتكسرنا ومالقينا اللي يداوينا

صعبان عليا حالي واللي بقيت فية

مالاقي غير موالي اطيب جرحي بية

خلاص ياقلبي اوعى تقول نحب تاني

ادينا حبينا وطيرنا طلع اناني

واصعب ع الناس وطيري ولا حاسس بيا

ياترى هفضل على حالي ولا الزمان هيأثر فيا

ال وانا كنت فاكر حبي للطير هيكون بداية

طلعت نهايتي وهى دي كل الحكاية

وادينا عايشين.....