الله اكبر الله اكبر
صوت الاذان لصلاة العصر
ينطلق من المسجد المجاور للمنزل .....
.
ياااااااا متعب .........!!!!!!
هلا يبه !!
يا الله .... جاهز وانا ابوك ؟؟؟
إيه جاهز .. مشينا !!
كم مرة قايل لك ...قول توكلنا على الله بارك الله فيك !
والله يجعلك من اهل الجنة ان شاء الله
:
بعد العودة الى المنزل
:
هاه يبه ! اشعنه راح تكون جلستنا العصرية اليوم ؟؟
اليوم راح نسولف عن الجنة !!
الله والله يبه من زمان ودى تسولف عنها !!
بس قبل لا تبدى عندى سؤال ؟؟
قول !
الجنة فيها كل شئ ؟؟
ايه وانا ابوك فيها كل شئ!
كل شئ كل شئ !!
ايه كل شئ كل شئ !!
يعنى فيها العاب وحيوانات وحلويات وكاكاو وبحر و و
هههههههههه ايه فيها كل هذولى واكثر بعد
اسمع شيقول الرسول عليه الصلاة والسلام
قال النبي : قال الله عز وجل: أعددت لعبادي ما لا عين رأت، ولا أذن سمعت، ولا خطر على قلب بشر.
فاقرءوا إن شئتم : فَلَا تَعْلَمُ نَفْسٌ مَّاأُخْفِيَ لَهُم مِّن قُرَّةِ أَعْيُنٍ . [السجدة:17] رواه البخاري ومسلم
يبه يعنى شنو ؟؟
يعنى شنو يخطر على بالك يا متعب من الاشياء الحلوة
راح تلقى بالجنة احلى منه الاف المرات !
انت بس اقعد وتمنى واطلب وعلى طوووول راح يكون يمك !
شنو راح يكون وياى مصباح علاء الدين ؟؟
اصلن ماراح تحتاج لا لعلاء الدين ولا لمصباحه
بس عليك تفكر باللى تشتهيه ويخطر فى بالك تلقاه فورا جدامك !!
الله ... صج وناسة !!
بس شوووووووف يامتعب.... تبى هالاشياء الحلوة اللى بالجنة لازم انك تتعب شوى
وتسوى اشياء بالدنيا حتى تحصل على المكافأة العظيمة واهى الدخول للجنة !
اشياء .. مثل شنو يبه ؟؟
لازم تحب الخير للناس وتساعد اللى يحتاج للمساعدة
لازم انك تصلى وتحافظ على الصلاة بالمسجد لازم ماتأذى احد .
ماتسب ولا تلعن ولا تطق احد !
لازم تسامح وتعفو عن الناس . لازم تحب امك وابوك وتواصل عمامك وخوالك
وكل قرايبك . تعطف على المساكين والفقراء .
تقرا القران وتصوم شهر رمضان . تحب جيرانك وتحافظ عليهم .
لازم تدرس وتنجح حتى تنفع نفسك واهلك والمسلمين .
تحافظ على نظافتك ونظافة ديرتك
لاز.........
:
الله اكبر الله اكبر
ينطلق صوت الآذان لصلاة المغرب
فيصمت ابو متعب ومتعب عن الكلام
ليرددوا خلف المؤذن .
/
جزا الله خيرا
كل من اعطانى من وقته هالدقايق
وقرا موضوعى وقصتى المتواضعة
ربى يحفظكم ويحفظ لكم احبابكم ***
موضوع: الله يجعلكم جميعاً من اهل الجنة 
الجمعة يوليو 31, 2009 9:58 am
