ضحيتى بمين علشان تعملى تاج راسك مين ؟؟ للشاعر محمد جودة روعة

انصحكم بمشاهدة الفيديو وقراءة كلماتها من المنتدى

https://www.youtube.com/watch?v=bmgbj...6C4BB&index=28


ضحيتى بمن ...؟.علشان تعملى تاج راسك ..من ؟؟.
وغدرتى بمن ..؟.علشان تعملى حراسك ..من ؟؟.
ياام البساتين ,كانت حلوة , ونفسها تطرح فضة ليوم الدين .
راح فين الخير ؟ والنيل ؟ والطير ؟ وصلاح الدين ؟.



ضحيتى بمن ؟ علشان تعملى تاج راسك من ؟
ضحيتي بعود.. من خير جنود.. الحب فى قلبه مالهش حدود
كان واقف لجل عنيكي السود ..صايم , وضميرك كان فاطر



سليمان خاطر , قلب ميعرفش يكون مسجون
في بلاده طايح فيها الدون , ام قالوا عليه راجل مجنون
قتل المخاليق الشريرة , الى بيشربوا مية نيلنا , ويصبوا فى مصارينا البيرة
ام زعلوا الناس السكيرة , الى عشان كاس .. بيهينوا الناس ..
ويبيعوا الامة بتعميرة , لابسين لحدانا قميص النوم , وعليه الشنابات العيرة



ياصباح مجروح , عزام هايروح للاهل , وهنا سليمان مدبوح
قتلوه ياما , صابح مشنوق , مدلل فوق , والامة الى مدلدلة من تحت
من كتر المشي فى ضل الحيطة واكل الكحك ..
سلمت الراية لواحد ندل وزى الشحط ..
عمال بيهنها وبياخدها من فحت لفحت
سليمان مجنون ..!! والناس الى بايسين رجل الكون هما العاقلين ..!!



ضحيتي بمن ..؟ علشان تعملي تاج راسك من ..؟؟

ضحيتي باطفالك فى جنين..! وغزة..! وقانا ..!ودير ياسين ..!
علشان تحصدي من غدر سلام ... وتعيشي فى اوطانك امنه ...؟؟
ضحيتي بعسلك ...؟؟! ونسيتي ان مافيش فى جراب الموت سمنه ..؟!!!



بكرة حاتتنزلي لاخر عيل فى عيالك ... ولاخر شجرة فى شجر الفل ..!
بكرة حاتتنزلي ياست الكل ... فاحمدي ربنا عالموت والذل ..!
ماهو عمر حقوقنا المسلوبه ماهترجع لينا بكم طوبه
ومقاومة ناس من حزب الله .. ماهى برضه ماهياش محسوبه...!!!



وانتوا الحسيبة اللعيبة , والنبي تسكتوا وبلاش خيبة..
دة انتوا بتظهروا على اي شاشات بنقول ميخدكوش فى نصيبة ..

وهنيه ياناس لما بيظهر بتعود الشمس من الغيبة
بالصدق الساطع فى عيونه ... ربنا يحميه ..., الله يصونه ..
بنحس في صوته بعزتنا واننا عايشين ...
بنحس بصدق صلاح الدين ... وشرف منالوش ولا اي شريف .
وسماحة قلب ووجه نضيف ... بيقود الامة لمحو الزيف .
وبتهتف بحياته الملايين...

ضحيتي بمن .. ؟ ,علشان تعملي تاج راسك من ...؟؟؟
وغدرتي بمن ...؟ علشان تعملي حراسك من ...؟