نشرة أخبار فيتو

أعزائى ولاد و بنات دريم كوفى الحلوين

معكم فيتو أبو حفيظة يحدثكم من داخل ستوديو كفر البلح اللى لسة مستواش

و يسعدنى أن أقدم لكم اليوم نشرة أخبار فيتو

و نبتدي بالعناوين و ربنا يستر

1 - قررت ادارة دريم كوفى تغيير اسم دكتور فيتو الى فيتو المركز

2 -رد فعل ذكى من الخنازير بعد قرار الحكومة المصرية ب اعدامهم

3 - انقلاب فى الشارع المصرى بسبب ارتفاع اسعار الفول

و اليكم الاخبار بس بشوية ملل

1- قررت ادارة دريم كوفى تغيير اسم دكتور فيتو الى فيتو المركز و ذلك بعد غيابه مرتين عن المنتدى و فى كل مرة يكون سيادته قاعد فى العناية المركزة و بيرجع تانى زى العفريت

و عن ذلك الموضوع اعددنا لكم اللقاءات التالية :-

أعزائى القارئين و اللى مبيعرفوش يقرو برضه معاكم أبو حفيظة ينقل لكم لقاءات من قلب الحدث

و أولا ً التقرير التالى من داخل المستشفى الدولى للقلب ( قسطر قلبك و ريح بالك )

أبو حفيظة : مساء الخير دكتور زكى قسطرة

د.ذكى قسطرة : أهلا و سهلا أى خدمة عندنا قسطرة. توسيع .دعامة كله موجود

أبو حفيظة : لالالا انا بس جاى اسال عن واحد كان موجود عندكم اسمه فيتو

د.ذكى قسطرة : ااه طيب

أبو حفيظة : ممكن تعرفنا بحالته و ليه دخل العناية المركزة ؟

د.ذكى قسطرة : والله انا احتارت معاه جينا نعمل له القسطرة و الدعامة كان هيروح فيها و باظت الدعامة ( بس دفعناه برضه ) و ان كان على العناية المركزة إسال بقى دكتورة عنايات بتاعة العناية

أبو حفيظة : دكتورة عنايات ازاى حضرتك

د.عنايات : بص بقى فيتو ده أنا حفظته خلاص مرتين يجيلى هنا و بيطلع تانى و مش عارفة بييجى ليه اصلا

أبو حفيظة : طب تنصحيه ب ايه

د.عنايات : أنا ليا نصيحة للى بيعرفوه مش ليه هو و بقولهم المرة الجاية لو حصل له حاجة ياريت يختصروا وقتهم و يوفروا على نفسهم المصاريف و يودوه عالمشرحة عدل لأن التالتة تابتة ( بس اوعى تجيب سيرة لدكتور ذكى قسطرة ليودينى فى داهية اوك باى باى )

و ها نحن نقدم لكم تقرير اخر من داخل ستار اكاديمى مع مدام رولا سعد

أبو حفيظة : ايه رأيك فى حالة د. فيتو

رولا : ما بعرف شو اقول لك بس بعرف انه هلأ صار له مرتين بيطلع نومينيه من هالدنيا على الانعاش لكن بيضله يرجع تانى .. الله يعطى له العافية

أبو حفيظة : طب ايه رأيك لو قدم نفسه ليكون من الطلبة هنا

رولا : لالالا شو هالحكى ..اذا بده يصير نومينيه مرة اخيرة بيريح نفسه و يريحنا معه و يريح العالم كله


2 - رد فعل ذكى من الخنازير بعد قرار الحكومة المصرية ب اعدامهم

هذا و قد إجتمع اليوم رئيس رابطة الخنازير و هو الخنزراوى بيه مع باقى أعضاء المجلس المخنزر و ذلك لبحث العدوان المحتمل شنه عليهم من الحكومة نتيجة إحتمال اصابتهم ب انفلونزا الخنازير

هذا و قد علم مندوبنا أنهم يدبرون خطة للتخفى على هيئة بائعى خضار بالسوق المجاور لتجمعهم

و لما نزلنا السوق لقيناهم بيقولوا

انا مش خنزير .... انا بياع جرجير

انا مش مخنزر ... انا عندى لفت و بنجر

لو عندك انفلونزا ... قرب و اشترى لك وزة


3 - انقلاب فى الشارع المصرى بسبب ارتفاع أسعار الفول

فى خبر مفاجىء و مفجع للغاية إرتفعت اسعار الفول بصورة جنونية هذا و قد صرح السيد / طعيمة الفولى وزير شئون الفول و الطعمية بأن الزيادة فى الاسعار زيادة غير معفولة و احنا دلوقتى بنقلب فى كل الحلول مع الامكانيات و الاقتراحات علشان نطلع حلول طعمية قصدى حلول مرضية للجميع

و إليكم هذه اللقاءات مع المارة فى الشارع

ايه رأيك فى ازمة الفول

ازمة الفول دى يا بيه ازمة مطحونة و لازم ننقى الحلول الأول علشان نطلع الحل البايظ من الحل اللى يتاكل

و مع مواطن اخر

حضرتك رايح فين بالعربية

والله يا بيه انا مش لاقى الفول علشان ااكله قلت لروح أفول العربية و خلاص

و الى هنا سيساتى انساتى ساستى تنتهى نشرة الاخبار





أقعدو بالعافية


امووووووووه