سيناريو فيلم خيال علمى

سيناريو فيلم خيال علمى

كتب على سلامة ٢٥/ ١/ ٢٠٠٩

المشهد الأول..

مصر نهار خارجى
طاهر زى الحليب
صباح النور
من قلب عصفور
حر بيزقزق
مفيش خوف
ولا خندق
ولا دبابة
بيوت بتحضن بعضها
وبلد بنحبها
بجد
صبحت جناين ورد
مش خرابة
مفيش سور
ولا بوابة
ماتت كل الوحوش والديابة

المشهد التانى..

ليل جميل
فى أرض مطار إمبابة
قمر
وشجر وضل وونس
ورئة ونفس طالع بالراحة
وأمل وتلامذة شاطرين
حفظين أغانى العشق
يا مصر ع الغايب
ليل بطعم الفرح
وريحة الحبايب
من غير وشوش كدابة
والبطل بأمر سيادة القانون
وإذن النيابة
بيعلن خبر
القبض على جميع
أفراد العصابة
ابقى اكتب تنويه يا فتحى
ف بداية الفيلم
إنه خيال علمى
عشان الرقابة...

مرسى ليك يا ميسى

مرسى ليك يا جميل