" بسم الله الرحمن الرحيم "
مشوارى مع الصينى
انا خرجت اشترى طلبات بقى ليا , وانا ماشى رايح للمحل
اللى بشترى دايما منه الحاجات دى , المهم وصلت للمحل
ودخلت للراجل صاحب المحل .
فبقوله يا استاذ " احمد " انا داخل يا مان على جواز
وعايز بقى منك حاجات كتيره اشتريها وانا بصراحه
مش بعرف اتعامل غير معاك .
فقالى : يا ياد المحل ملكك شوف اللى انت عايزه
وخده وانا عينيا ليك .
قلتله : متشكر يا احمد
فبدأت بقى اختار الحاجات اللى انا هشتريها وطبعا
معايا خطيبتى .
بقوله يا احمد انا عايز تليفزيون
قالى : اوكى اختار انت وانا هجيبه وافرجكك عليه
فأخترت واحد وبقوله انا هاخد ده
ففتحه وانا ببص كده لقيت مكتوب عليه صنع فى الصين
قلته يا احمد دا صينى وانا مش بحب الصينى لأنها صناعه
تعبانه .
قالى كل اللى عندنا كدا
قلتله ازاى بس ؟! , قالى انا بجيب الحاجات دى على حسب
الشغل والسوق , وهو ده المطلوب .
قلتله خلاص مش ضرورى خلينا نشوف باقى الحاجات
قالى اوكى براحتك
المهم طلبت منه حاجه تانيه فقالى برضو صينى
قلتله ودى قال صينى
ودا , يرد عليا ويقولى صينى
قالى بص من الاخر المحل ده كله صينى
قلتله طيب ومطلع عينى ليه
ما كنت قولت كدا من الصبح
يا أخى اكتب على المحل من بره
" خش على الصينى الوقت وافرح وابقى عيط لما تستعمل
الحاجات فى البيت "
المهم سبته ودخلنا محل تانى
فقلت لخطيبتى ايه رأيك انا هجيب حاجه للكمبيوتر بتاعى
فقالت اوكى ماشى .
فدخلنا وبقول للراجل : عايز هارد 160
فقالى ماشى , ثوانى
جاب الهارد وبيقولى اهو اتفضل
فبصيت عليه وكالعاده " صنع فى الصين "
فبقوله دا صينى
قالى : وانت تطول تمسك الصينى
قلتله : يا سلاااااااااااااااااااااام هو الصينى دا جى من الجنه
ياعم فكك , دا تروح تقف بيه على اول الشارع وتبيعه
ببلاش وتحمد ربنا ان حد رضى ياخد منك ببلاش . بلا نيله
اخدت البنت اللى تعذبت معايا انهارده ومشيت
المهم عرفنا طبعا نشترى الحاجات اللى عيزنها
من غير بقى صينى ولا تايوانى
المهم جه ميعاد يوم الفرح
انا كنت قاعد فى الشقه وكنت اضع عليها اللمسات
الاخيره .
اااااااااااااااااااااااااااااااااااااااااااااااااا اااااااااااااااااااااه
ويارتنى ما وضعت اللمسات
وانا بظبط نفسى , سمعت اذان الظهر
فرحت بقى علشان اتوضأ واصلى
اااااااااااااااااااااااااااااااااااااااااااااااااا ااااااااااااااااااااه
وانا واقف بقى بتوضأ , سمعت صوت حاجه بتخبط جامد
فخلصت وضوئى ورحت اشوف ايه اللى بيحصل
رحت فلقيت اللى بيعمل الصوت ده " الغساله "
فقلت يا فرحتى , لااله الاالله , دا انتى لسه اول غسله
وقلت لنفسى وانت مالك بالغسيل هو فى حد بيغسل يوم
فرحو .
اتصلت بقى بالراجل وبقوله يا عم المرحوم انت
الغساله بتطلع صوت جامد وشكلها كدا مش هتلحق
تكمل الغسيل .
فقالى ازاى ؟
انا عطيك " زانوسى الايطاليه "
قلتله : وحيات ابوك يا راجل هى دى زانوسى
ف الراجل رد عليا وقالى اه هى دى
فسكت وهو سكت على اساس انى اطمنت انها من النوع
اللى انا اخترته .
وفجأه رحت مزعق فيه وقولتله انت سكت ليه
انت تفتكرنى انى فرحت بالكلمتين اللى انت قولتهم
انا عارف انها زانوسى وايطاليه كمان
بس هى الوقت بتخبط فى الحطان
قالى يا راجل دى بتسخن بس
فقلتله ليه انشاء الله , شارى غساله ولا عربيه لورى
المهم الغساله طلعت صينى فى الاخر وانا اتدبست
المهم انا كنت قرفان ومضايق ومش طايق نفسى
فقلت اشغل قرأن اسمعه احسن ما اقوم اكسر فى الشقه
شغلت السى دى , وسبته ورحت بقى علشان اصلى
المهم خلصت صلاه والسى دى لسه مطلعش صوت
قلت ماله دا كمان بيسخن .
فقعدت احاول انى اشغل السى دى
ابدا ولا تسمع صوته
اروح يمين يروحلى شمال , اجيله شمال يجيلى يمين
قلت ربنا يعوض
وفى نفس الوقت رحت قايل
" عليا النعمه ما المس حاجه فى البيت خللى البيت كدا
والمدام لما تيجى ابقى ادبسها بقى فى الحاجات "
المهم خلصنا الليله على خير
واتجوزت وخلصت
رحت بقى بعد مده من الجواز اشترى موبايل جديد
ليا وللمدام , كل ما ادخل محل الاقى الصينى ابو اربعين سماعه ده
اقول للراجل " هو مفيش فنلندى ولا المانى ولا مجرى "
طيب فيه ايه ؟
قال فى الصينى اللى اكل السوق
بصراحه انا قرفت من كلمه صينى ومن الصين نفسها
رجعت البيت وقولت للمدام على اللى حصل معايا كله
فقالتلى : ربنا مع الصين
استغربت للكلمه دى , وقلتلها الله يحرقهم
قالت انت مش فاهم
" دى اصلا بضاعه مصريه وهم بقى بيحطوا اسم الصين عليها
علشان تطلع وتتباع ومن كتر المنتجات اللى بتتصنع وطبعا صناعه
اى كلام خلت اسم الصين فى الارض وهى اصلا صناعه مصريه "
قلت بسم الله ماشاء الله , متجوز زويل يا خواتى
لولولولولولولوولوللوولولولولوولولولولولولولولولولو لووليييييييييييي
وطبعا نسبه الى ان السوق كله صينى , اذا بيتنا كله بقى صينى فى صينى
وفى يوم من الايام قاعد انا واخو المدام مااهو انتيمى ولازق طول اليوم
سمعت صوت المدام بتزعق وبتصرخ بصوت عالى جدا
فقلت لأخوها اجرى ياد اختك بتولد
اخدناها على المستشفى
والحمد لله جابت ولد
فدخلت علشان اطمن عليها وعلى المولود
قالتلى شوفو كدا وقولى شبه مين " البيبى "
فمسكت الواد وقولت مين ده ؟!
قالت مالك يابنى " دا ابننا "
قلتلها مييييييييييييييييييييين ابننا ؟؟!!!!!!!! ازاى ؟!!!
قالتلى يعنى ايه ازاى ؟
" بصراحه بصيت للواد لقيت عينيه ضيقه وشبه الصينييين "
قلت المدام خانتنى ولا ايه ؟
وفى لاخر خلفتى طلعت صينى يا معلم والعيون الضيقه بقى
يعنى كأنى عايش وسط قطط
ابص يمين الاقى صينى ابص شمال وفوق وتحت برضو صينى
والله انا خايف احسن المنتدى دا يكون صينى ههههههه
موضوع: صنع في الصين 
السبت يناير 24, 2009 6:20 pm
